«Տպավորություն է, որ դատավճիռը ձեռքին է». Էդմոն Մարուքյանը` Նիկոլ Փաշինյանի մասին

«Քիչ առաջ Փաշինյանը ձեռքին ինչ-որ թուղթ էր թերթում ու ասում, թե Սամվել Կարապետյանն ինչքան պիտի նստի: Տպավորություն է, որ դատավճիռը ձեռքին ա: Մենք ուզում ենք Հայաստան, որտեղ կան դատարաններ, ոչ թե վարչապետի թեկնածուն դատավճռով գալիս է ու հայտարարում, թե ով որքան պիտի նստի»,- նախընտրական բանավեճի իր առաջին ելույթում ասաց ԼՀԿ առաջնորդ Էդմոն Մարուքյանը:
Այդ պահին Նիկոլ Փաշինյանը նոթատետրը դեմ տվեց ու պնդեց՝ կարդացեք, նայեք ինչ ա գրած, դուք իմ գրածները շատ եք կարդացել:

«Կարող ա կոնսպեկտն ա, դե հիմա, պարոն Փաշինյան, դուք էլ իմ ձեռագիրն եք շատ կարդացել: Իմաստն այն է, որ գործադիր իշխանության ղեկավարը չի կարող դատավճիռներ կայացնել»,- հակադարձեց Մարուքյանը: