Բաքուն բողոքի նոտա է հղել Ադրբեջանում ԵՄ դեսպանին
 Բաքվում Եվրոմիության դեսպան Մարիանա Կույունչիչը կանչվել է Ադրբեջանի արտաքին գործերի նախարարություն։ Հանդիպման ընթացքում դատապարտվել են ապրիլի 30-ի Եվրոխորհրդարանի բանաձևում «Ադրբեջանի դեմ անհիմն և կողմնակալ դրույթները», հայտնում է Ադրբեջանի ԱԳՆ-ն։ Նշվում է, որ «Եվրոխորհրդարանի մոտեցումը բացասաբար է անդրադառնում տարածաշրջանում հարաբերությունների կարգավորման գործընթացի, ինչպես նաև Ադրբեջանի և Եվրոմիության միջև հարաբերությունների հեռանկարների վրա»։ Նախարարությունը նշում է, որ «բանաձևում հայ բնակիչների Ղարաբաղ վերադարձի վերաբերյալ պնդումները անհիմն են, և նման կոչերը համարժեք են Ադրբեջանի ներքին գործերին միջամտության»։ Նաև նշվում է, որ ռազմագերիների արձակման կոչերը «իրավական տեսանկյունից անընդունելի են»։ Հանդիպման ընթացքում եվրոպական կողմին կոչ է արվել ձեռնպահ մնալ նման քայլերից, որոնք վնաս են հասցնում Ադրբեջան-ԵՄ հարաբերություններին, ինչպես նաև տարածաշրջանում խաղաղության և կարգավորման գործընթացին։ Հիշեցնենք, որ Եվրոպական խորհրդարանի լիագումար նիստում ընդունվել է Հայաստանի վերաբերյալ բանաձև, որը պահանջում է հայ գերիների անհապաղ ազատ արձակում։ |
«Ադրբեջանական կողմից նախապատրաստվել և առաջ են մղվում անհիմն ու արհեստական թեզեր». Արմեն Պետրոսյան
803:12
«Ադրբեջանի ծրագրերում չեն տեղավորվում Հայաստանում իշխանության փոփոխության սցենարները». Արա Պողոսյան
7602:06
«ԱՄՆ-ն իր քաղաքականությամբ «քանդում» է եվրոպական հարմարավետությունը». Հակոբ Բադալյան
8301:06
«Մերցը գլուխ չի հանում, իսկ Ուկրաինայում անտերություն է». Թրամփ
9700:53
«Արարատ սարը, Հայաստանի նախկին մայրաքաղաքներ Անին ու Կարսը և Նախիջևանը. ինչպես կորցրեցինք». Թաթուլ Հակոբյան
114Երեկ, 20:06
Թուրքիայի նախագահը հրավիրվել է Երևան
154Երեկ, 18:11