«Ամուսինս այդ քայլին չէր գնա, նա անմեղ է». Ժենյա Տերչանյան

«Ամուսինս՝ Արթուր Տերչանյանը բեռնատարի վարորդ էր՝ Վրաստանից Ռուսաստան բեռներ էր տեղափոխում: Նա ճանապարհը հատել է օրինական՝ Վրաստան-Հայաստան-Ռուսաստան միջպետական ճանապարհներով: Բեռը հասցրել է նշված կետ: Վրաստան վերադառնալու ճանապարհին 3 օր սպասել է Լարսի անցակետում, հետո իմացել է դեպքի մասին, իրեն կանչել են ոստիկանություն»,- «Մեդիա կենտրոն»-ում ասել է 2022 թվականի հոկտեմբերի 8-ին Ղրիմի կամրջի պայթեցման գործում մեղադրվող Արթուր Տերչանյանի կինը՝ Ժենյա Տերչանյանը:

«Ես, իրեն լավ ճանաչելով, վստահ եմ, որ ամուսինս այդ քայլին չէր գնա: Նա չէր վտանգի իր, իր ընտանիքի կյանքն ու ապագան: Վստահ եմ, որ ինքն անմեղ է»,- հավելել է նա:

Հիշեցնենք, որ 2022 թվականի հոկտեմբերի 8-ին Ղրիմի կամրջի վրա բեռնատար էր պայթեցվել, որի հետևանքով 3 մարդ էր զոհվել: ՌԴ-ն դա որակել էր ահաբեկչություն: Գործով ձերբակալվել էր 8 անձ, այդ թվում՝ ՀՀ 3 քաղաքացի: 2025 թվականի նոյեմբերի 27-ին ՌԴ-ի անունից կայացվել էր դատավճիռ՝ մեղադրյալները դատապարտվել էին ցմահ ազատազրկման, այդ թվում՝ Արթուր Տերչյանյանն ու ՀՀ ևս 2 քաղաքացի: