«Մեր երկիր հարյուր հազարավոր ադրբեջանցիներ բերելու վտանգը զգում է նաև ժողովուրդը». Սևակ Հակոբյան

Լրագրող, խմբագիր Սևակ Հակոբյանի ֆեյսբուքյան գրառումը՝ կից տեսանյութով. «Բազմաթիվ լրագրողներ, հասարակական-քաղաքական գործիչներ, ակտիվիստներ մշտապես կասկած ենք հայտնում Ադրբեջանի հետ խաղաղության վերաբերյալ։ Այսօր իմ փոխարեն կխոսեն քաղաքացիները, որոնք զանազան հարցումներում կիսում են մտահոգությունները։
Երբ ահազանգում ենք Ադրբեջանում պետական քաղաքականություն համարվող «Արևմտյան Ադրբեջան» վտանգավոր թեզից, որով հնարավոր է՝ մեր երկիր բերվեն ապրելու հարյուր հազարավոր ադրբեջանցիներ, ոմանք ասում են՝ չափազանցնում ենք։ Բայց այդ վտանգը զգում է նաև ժողովուրդը և անհանգստանում, որ հնարավոր է Ադրբեջանն օգտվի Իրանում պատերազմական վիճակից և ադրբեջացնիների ուղղորդեն Հայաստան։
Իշխանությունն այս ամենի վտանգավոր հետևանքները կարծես չի գիտակցում, ավելի ճիշտ՝ չի էլ ուզում գիտակցել, բայց հանրությունը, տեսնում ենք, որ զգոն է, ինչը համարում եմ շատ կարևոր»: