Լավրովը և Արաղչի քննարկել են Մերձավոր Արևելքում ստեղծված իրավիճակը

Ռուսաստանի արտաքին գործերի նախարար Սերգեյ Լավրովը և Իրանի արտգործնախարար Աբբաս Արաղչին հեռախոսազրույց են ունեցել, որի ընթացքում քննարկել են Մերձավոր Արևելքում Իրանի դեմ ԱՄՆ-ի և Իսրայելի ռազմական ագրեսիայից հետո ստեղծված իրավիճակը․ «Ռիա Նովոստի»-ի փոխանցմամբ՝ այս մասին հայտնել է ՌԴ ԱԳՆ-ն։

«Քննարկվել է տարածաշրջանում իրավիճակի զարգացումը՝ պայմանավորված ԱՄՆ-ի և Իսրայելի կողմից Իրանի դեմ զինված ագրեսիայի հետևանքով։ Ընդգծվել է, որ նման գործողությունները խաթարում են միջազգային իրավունքի հիմնարար նորմերը և ծանր հետևանքներ են ունենում ամբողջ Մերձավոր Արևելքի համար»։