«Տեսել եմ՝ ընտրությունների ժամանակ ինչքան սիրելի են դառնում տատիկ-պապիկներն ու հաշմանդամները»․ Անի Կաղինյան

Քաղաքացիական ակտիվիստ Անի Կաղինյանը ֆեյսբուքյան իր էջում գրել է․ «Ես ընտրատեղամասերում, որպես վստահված անձ ու հանձնաժողովի անդամ շատ եմ տեսել, թե ինչքան սիրելի են դառնում օրվա իշխանությունների համար տատիկ-պապիկները, թաղամասի հաշմանդամները, մտավոր հետամնացները, թե ինչպես են նրանց շալակած բերում ընտրատեղամաս, ինչ հարգանքի ու պատվի են արժանանում այդ մարդիկ այդ «տոնական օրը», որի անունն է ընտրություն: Ես նույնիսկ չգիտեի, որ մեր թաղամասում այդքան հաշմանդամներ կան, որովհետև մնացած օրերին նրանք հնարավորություն չունեն տնից դուրս գալու և գամված են իրենց տներում: Այնպես որ զարմանալու ու զայրանալու տեղ չկա, սրանք էլ բացառություն չեն:
Միակ ցանկությունս է, որ այդ մարդիկ ամեն օր արժանանան օրվա իշխանությունների հոգածությանն ու արժանապատիվ կյանքով ապրեն...»: