«Եթե Սիմոնյանը չհիմնավորի ասածը, զրպարտության համար դատելո՞ւ եք»․ Լիզա Ճաղարյան

Լրագրող Լիզա Ճաղարյանը ֆեյսբուքյան իր էջում գրում է․ «Մի փոքրիկ ՆՈՂՂՂՂԿԱԼԻ հատված լսեցի «Дождь»-ով Հայաստանի ԱԺ նախագահ կոչեցյալի հարցազրույցից։ Չեմ կրկնի, սիրտս խառնում է։ Ընդամենը հարց Հայաստանի դատախազությանը, ԱԱԾ-ին՝ կանչե՞լ եք հարցաքննության պարոնին և պահանջել, որ անհերքելի ապացույցներ ներկայացնի Հայաստանի Առաքելական եկեղեցու դեմ օտարների առաջ իր «մաքրամաքուր հոգու ճիչը» սփռելու համար։ Եվ եթե կետ առ կետ չհիմնավորի իր ասածը «չորս-հինգ» մանկապիղծի մասին, զրպարտության համար դատելո՞ւ եք նրան։
Հնարավո՞ր է, որ մանկապիղծներ լինեն Եկեղեցում։
Հնարավոր է։
Հնարավո՞ր է, որ կառավարությունում էլ լինեն։
Հնարավոր է։
Դատե՞լ եք որևէ մեկի։
Ո՛չ։
«Չորս-հինգ հոգի». դե հա՛, եղածը մանկապի՞ղծ չի՝ մի հատ պակաս, մի հատ ավելի, ի՞նչ կարևոր է։ Ոնց որ կարևոր չի՝ քանի զոհ ենք ունեցել 2020-ի պատերազմում. կլյուչնիկի ասած՝ «հիսուն էս կողմ, հիսուն էն կողմ»»։

Հիշեցնենք՝ «Дождь»-ի եթերում Ալեն Սիմոնյանը մասնավորապես ասել էր. «Ասենք, որ որևէ երկրում, եթե պարզվի, որ x անձը, որը բարձր պաշտոն է զբաղեցնում եկեղեցում, մանկապիղծ է, եթե իրավապահ մարմինները արձագանքեն դրան կամ որևէ քաղաքական գործիչ քննադատի մանկապղծությունը կամ նման մի բան, դա հարձակում կլինի՞ եկեղեցու վրա: Չի կարելի թաքնվել այս սև սքեմի տակ և մտածել, որ դա ինդուլգենցիա է և կարելի է անել այն, ինչ ուզում ես, և երբ գան քո հետևից, դու կասես, որ դա հարձակում է եկեղեցու վրա»: