«Եկեղեցին փոքր ինչ չի ընկրկելու և չի նահանջելու». Նաթան Սրբազան

«Սա մի ծրագիր է Եկեղեցու դեմ, որի ընթացքում ամեն կերպ ուզում է ապացուցվել, որ եկեղեցին պետք է անի այն, ինչ իրենք են ուզում, որ Եկեղեցին պետք է դառնա պետության մի կցորդ, և այդ կցորդը պետք է շարունակի այն քաղաքական ուժերի ցանկությունը, որ իրենք ունեն»,- Մայր Աթոռի բակում լլրագրողների հետ զրույցում ասել է Մայր Աթոռի Արտաքին հարաբերությունների և արարողակարգի բաժնի տնօրեն Նաթան արքեպիսկոպոս Հովհաննիսյանը՝ անդրադառնալով իշխանության կողմից իրականացվող հակաեկեղեցական քայլերին: Նա ընդգծել է. «Ամեն պարագայում Եկեղեցին անկոտրում է իր հազարամյակների ավանդության, իր տիրոջը, իր ազգին ու պետականությանը նվիրվածության հարցում: Փոքր ինչ չի ընկրկելու և չի նահանջելու: Պահելու է այն, ինչ որ դարերով ու հազարամյակներով ստեղծել է հայ Եկեղեցին»: