«Չի կարելի մրցանակ շնորհել մի բռնապետի, որը գերության մեջ է պահում մեր հայրենակիցներին». Գառնիկ Դանիելյան

«ՀՀ-ում այլևս ազատ խոսքը քրեականացված է, այն մարդիկ, ովքեր դեմ են այս իշխանություններին, հայտնվում են անազատության մեջ, արդեն տևական ժամանակ է արշավ է սկսվել Հայ Առաքելական Սուրբ եկեղեցու դեմ, անազատության մեջ են սրբազաններ։ Միջազգային հանրությունը պետք է հստակ գնահատական տա այս ամեն ինչի վերաբերյալ։ Այս իրավիճակը չի կարող հանդուրժելի լինել։ Մեր կոչն է՝ երկակի ստանդարտներով չառաջնորդվել, հստակ գնահատական տալ Հայաստանում տիրող իրավիճակին, աչք չփակել, խուլ, համր չձևանալ, և դրանով չխրախուսել այս իշխանություններին՝ ռեպրեսիվ համակարգը շարունակելու համար»,- ԱԺ-ի դիմաց բողոքի ակցիայի ժամանակ ասել է ԱԺ «Հայաստան» խմբակցության պատգամավոր Գառնիկ Դանիելյանը։

Անդրադառնալով Բաքվում պահվող ռազմագերիներին՝ ընդդիմադիր պատգամավորը նշել է․ «Չի կարելի մրցանակ շնորհել մի բռնապետի, որը տևական ժամանակ գերության մեջ է պահում մեր հայրենակիցներին՝ խոշտանգելով, իրենց իրավունքները խախատելով և պատանդի կարգավիճակով պահելով բանտում»։