«Պատերազմ տեսած երկրում ապաստարանները կա՛մ փակ են, կա՛մ վերածված պահեստների ու աղբանոցների»․ Սոնա Աղեկյան

«Մայր Հայաստան» կուսակցության անդամ Սոնա Աղեկյանի ֆեյսբուքյան գրառումը՝ կից տեսանյութով․ «Մայրաքաղաքում ապաստարանների վիճակը խայտառակ ամոթալի է։
Պատերազմ տեսած երկրում ապաստարանները կա՛մ փակ են, կա՛մ վերածված պահեստների ու աղբանոցների։ Ո՛չ վերահսկում կա, ո՛չ հաշվառում, ո՛չ պատասխանատու՝ այն պարագայում, երբ ՔՊ-ն միլիոնավոր դրամներ է մսխում շոուների, տոնական փայլի ու ինքնագովազդի վրա, իսկ մարդկանց անվտանգությունը մղվել է հարյուրերորդական պլան։
Սա անգրագիտություն չէ։ Այս ամենը գիտակցված անտարբերություն է, քաղաքացիական պաշտպանության ձախողում և ի վերջո՝ հայի, մարդու, քաղաքացու կյանքի արժեզրկում է»։