«ՀՀ-ում ասում են՝ բենզին եք գնում, փողերն ուղարկում Ադրբեջան, որ այդ փողերով հարձակվեն ՀՀ-ի վրա». Նիկոլ Փաշինյան

«Ադրբեջանական նավթամթերքի ներմուծման արդյունքները» թեմայով ֆեյսբուքյան եթերում ՀՀ վարչապետ Նիկոլ Փաշինյանն անդրադարձել է նաև քննադատություններին. «Ադրբեջանում էլ, ՀՀ-ում էլ քննադատություն կա: ՀՀ-ում ասում են՝ բենզին եք գնում, փողերն ուղարկում եք Ադրբեջան, որպեսզի նրանք այդ փողերով հարձակվեն ՀՀ-ի վրա: Ադրբեջանում ասում են՝ բենզինն ու դիզվառելիքն ուղարկում եք ՀՀ, որ նրանք իրենց տանկերն ու զինտեխնիկան լիցքավորեն և հարձակվեն Ադրբեջանի վրա: Երկու մտահոգություններն էլ տեղին չեն, քանի որ երկու երկրների միջև խաղաղություն է հաստատված, որը գնալով կդառնա ավելի ինստիտուցիոնալ»,- ասաց Փաշինյանը: