«Չեմ պատրաստվում որևէ երկրի հետ, այդ թվում՝ Ադրբեջանի, մրցավազքի մեջ մտնել»․ Սուրեն Պապիկյան

«Ես չեմ պատրաստվում որևէ երկրի հետ, այդ թվում՝ Ադրբեջանի, մրցավազքի մեջ մտնել, բայց միևնույն ժամանակ դա չի նշանակում, որ ՀՀ-ն դադարեցնելու է սպառազինության, ռազմական տեխնիկայի գնումը, բանակի արդիականացումը»,- հրավիրած ասուլիսի ժամանակ ասել է ՀՀ պաշտպանության նախարար Սուրեն Պապիկյանը՝ մեկնաբանելով լրագրողի դիտարկումը, որ կար քննադատություն, ըստ որի՝ ՀՀ-ում կրճատվում է զինծառայության ժամկետը, իսկ Ադրբեջանը շարունակում է նոր սպառազինություն ձեռք բերել և ավելացնել անձնակազմը։ Լրագրողի այն հարցին, թե արդյոք

գերատեսչությունն ունի պլան Բ՝ երկրի առջև առկա մարտահրավերների ու ռիսկերի փոփոխության դեպքում, նախարարը նշեց․ «Այս պահի մեր քաղաքականության և իրականության մեջ չեմ կարծում, որ կա դիսոնանս, որտեղ մենք պետք է պլան Բ, կամ պլան Գ քննարկենք։ Իսկ բլան Ա, Բ, Գ՝ Զինված ուժերը միշտ ունենում են»։