«Սոլովյովի մոտ մեծ պատրաստակամությամբ հարցազրույց կտայի»․ Արմեն Աշոտյան

ՀՀԿ փոխնախագահ Արմեն Աշոտյանի ֆեյսբուքյան գրառումը․ «Էրդողանի, Ալիևի, Ֆիդանի, Բայրամովի թքոցները անձրևի տեղ սղացնող նիկոլական քարոզչամեքենան լծվել է Սոլովյովի անհաջող ձևակերպումներով ռուսոֆոբիայի կրակը վառ պահելու գործին։
Սոլովյովի մոտ մեծ պատրաստակամությամբ հարցազրույց կտայի՝ ուղիղ եթերում բաց խոսելու հայ-ռուսական հարաբերությունների իրական կնճիռների մասին։ Ավաղ, նման հնարավորություն դեռ չունեմ։
Այլևս «սովորական» է, որ ռուսաստանցի մի շարք գործիչներ մեր տարածաշրջանի մասին խոսելիս դրսևորում են «Слон в посудной лавке» առակի հերոսի կեցվածքը։
Զարմանում եմ, թե ոնց կարելի է հետևողականորեն դասեր չքաղել սեփական սխալներից, այդ թվում՝ քարոզչական։
Ուրիշ բան, որ Հայաստանում սրիկաների վերջին հանգրվանը դարձել է ռուսոֆոբիան։
Բայց ո՞նց է ստացվում, որ ռուսաստանցի գործընկերները (կամա՞, թե՞ ակամա) սնուցում են այդ կուտոկին։ Совпадение?․․․»։