«Ինչո՞ւ չեք աշխատում Հայ դատի ներկայացուցիչների հետ». հարց՝ Զարեհ Սինանյանին

«Սփյուռքահայ մի շարք գործիչներ նշում են, որ դուք չեք աշխատում Հայ դատի ներկայացուցիչների հետ: Ինչո՞ւ»,- դիմելով ՀՀ սփյուռքի գործերի գլխավոր հանձնակատար Զարեհ Սինանյանին՝ հարցրեց լրագրողը: Պաշտոնյան ասաց՝ դա իրականությանը չի համապատասխանում. «Անցյալ տարի 14-15 գործուղում եմ ունեցել, որի ժամանակ, ընդհանրապես, միշտ ձեռք ենք մեկնում ՀՅԴ ու Հայ դատի կառույցներին: 2023-ի վերջին կամ 2024-ի սկզբին ԱՄՆ 8 քաղաք այցելեցի, որից 6 քաղաքներում Հայ դատի տեղական կոմիտեի կամ Դաշնակցության տեղական կոմիտեի անդամների հետ ամեն տեղ հանդիում եմ ունեցել: Ուրիշ բան է, որ հաճախ իրենք չեն արձագանքում մեր դիմումներին»,- նշեց Սինանյանը՝ հավելելով, որ հանդիպումները միշտ չէ, որ սիրալիր են անցնում. «Կրկնում եմ՝ հաճախ մեր մեկնած ձեռքին համապատասխան արձագանք չի լինում: Հետևաբար մեր՝ իրենց հետ չհամագործակցելն ավելի շատ պայմանավորված է իրենց չկամությամբ, քան մեր խուսափողականությամբ»: