«Այս բացահայտումը վերաբերում է իշխանության կոռուպցիոն հովանավորության ներքո իրականացված ռեկետին»․ Արթուր Չախոյան

Բլոգեր Արթուր Չախոյանի ֆեյսբուքյան էջում տեսանյութ է հրապարակել՝ կից գրառմամբ․ «Ամբողջ պատասխանատվությամբ հրապարակային վերահաստատում եմ իմ խոսքերը, որ Երևան քաղաքի բոլոր Gulf բենզալցակայանները կառուցվել և կառուցվում են ապօրինի՝ առանց շինարարական թույլտվության։
Gulf բենզալցակայանների՝ ապօրինի և առանց շինարարական թույլտվության կառուցված ու կառուցվող լինելու փաստը հաստատել է նաև Երևանի քաղաքապետարանը՝ պաշտոնական գրությամբ, ի պատասխան իմ դիմումի, որտեղ հստակ նշված է, որ դրանք ապօրինի են և կառուցվում են առանց շինարարական թույլտվության։
Ընդգծում եմ, որ ապօրինի Gulf բենզալցակայանների կառուցման վերաբերյալ այս բացահայտումը ուղղված չէ ՔՊ-ական պատգամավոր Խաչատուր Սուքիասյանի անձի դեմ, այլ ուղղված է իշխանության կողմից կայացված բացահայտ քաղաքական, ապօրինի և կոռուպցիոն հովանավորչության որոշման դեմ։ Խոսքը վերաբերում է իշխանության կոռուպցիոն հովանավորության ներքո իրականացված բացահայտ ռեկետին, մասնավորապես այն հանգամանքին, որ Երևան քաղաքում փակել տվեցին մի շարք բենզալցակայաններ՝ քաղաքաշինական նորմերի խախտմամբ, իսկ դրանից հետո նույն խախտումներով, բառացիորեն սնկի պես, սկսել են աճել Gulf բենզալցակայանները»։