««Խաղաղության խաչմերուկ»-ը ՀՀ տարածքային ամբողջականության և ինքնիշխանության դեմ ոտնձգություն է»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Ադրբեջանի արտաքին գործերի նախարար Ջեյհուն Բյարամովը մամուլի ասուլիսում հայտարարել է, որ Ադրբեջանը կշարունակի երկխոսությունը Հայաստանի հետ խաղաղության գործընթացի հետագա առաջմղման համար։ 44-օրյա պատերազմի ավարտից անցել է ավելի քան 5 տարի, Ադրբեջանը չի ճանաչել Հայաստանի տարածքային ամբողջականությունը, իր զորքերը չի հանել Հայաստանում օկուպացրած տարածքներից, հայ գերիներին ազատ չի արձակել, չի դադարեցրել հակահայկական քարոզչությունը, պատերազմի սպառնալիքներով հայտարարությունները, Հայաստանին նոր պահանջներէ ն երկայացրել ՀՀ սահմանադրությունը փոխելու, 300 հազար ադրեջանցիների «Արևմտյան Ադրբեջան վերադարձի» և այլնի վերաբերյալ; Ադրբեջանի իշխանությունը ռազմական ուժի չի դիմում, քանի որ Նիկոլ Փաշինյանի իշխանության միջոցով Հայաստանից մաս-մաս ստանում է իր պահանջածը։ Երբ Հայաստանի իշխանությունը կհրաժարվի այդ պահանջները կատարել, Ադրբեջանն այն ժամանակ կդիմի ռազմական ուժի։ Սա է իրականությունը, խաղաղության գործընթաց կոչվածը։ Ադրբեջանի տարածքով, Վրաստանով Հայաստան ներկրված ղազախական 4-րդ կարգի, անասնակեր ցորենը, 90 դրամով էժան ադրբեջանական բենզինը ինքնին Հայաստանի ու Ադրբեջանի միջև խաղաղություն չեն ապահովում, վերոհիշյալ հարցերը չեն լուծում, այդ մատակարարումները ցանկացած պահ Ադրբեջանը կարող է դադարեցնել։ Սյունիքով ճանապարհը, որ Նիկոլ Փաշինյանի իշխանությունը խաղաղության խաչմերուկ է կոչում, իսկ Ադրբեջանը ՝ Զանգեզուրի միջանցք Հայաստանի տարածքային ամբողջականության և ինքնիշխանության դեմ ոտնձգություն է»։