«Մենք Կապսի ջրամբարը կունենանք, գյուղը կտեղափոխվի»․ Նիկոլ Փաշինյան

«Մենք Կապսի ջրամբարը կունենանք, գյուղը կտեղափոխվի»,- այս մասին այսօր կառավարության նիստից հետո հրավիրված ճեպազրույցում նշեց վարչապետ Նիկոլ Փաշինյանը՝ անդրադառնալով հարցին, թե ինչու են դադարեցվել Կապսի ջրամբարի շինաշխատանքները։

«Տվյալ դեպքում մրցութային ընթացակարգերն իրականացվել էին միջազգային գործընկերների հաստատած ընթացակարգով և նրանց կողմից։ Խոշոր կապիտալ ծրագրերն այդպիսին են, աշխարհի բոլոր երկրներում լինում են դեպքեր, երբ ծրագրերը չեն իրականացվում իրենց ժամկետներում։ Պետք է արձանագրենք, որ սա այն դեպքերից է, երբ չկա այնպիսի բան, որ կառավարությունը պետք է աներ, որ ծրագիրը հաջողությամբ ընթանար ու չի արել։ Կան պատճառներ, տվյալ դեպքում մեր կապալառու գործընկերը պարզապես իր պայմանագրային պարտավորությունը չի կատարել և նրա հետ պայմանագիրը խզվել է։ Կփնտրենք նոր գործընկեր, ով ծրագիրը կիրականացնի»,- պարզաբանեց Փաշինյանը։