«Ստամբուլում զբաղվել եք «գիտական գործունեությամբ», Թուրքիայի հատուկ ծառայությունների ուշադրության կենտրոնում եղե՞լ եք»․ Ալիկ Ալեքսանյան

«ԱԺ պաշտոնական կայքէջում ձեր իսկ կողմից տրված կենսագրականում կա այսպիսի մի տող. 2017-18թթ. զբաղվել է գիտական գործունեությամբ։

Թե ինչ գիտական գործունեություն է, որտեղ և ինչ պայմաններում, բացակայում է, չնայած նրան, որ նախորդ տարիներինը մանրամասնորեն ներկայացրել եք, թե որտեղ եք սովորել»,- ֆեյսբուքյան ուղիղ եթերում այս մասին նշել է «Մեր ձևով» շարժման համակարգող խորհրդի անդամ Ալեքսան Ալեքսանյանը՝ անդրադառնալով ԱԺ փոխխոսնակ Ռուբեն Ռուբինյանի պնդմանը, թե ինքը երբեք Թուրքիայում չի սովորել։

Ալեքսանյանը հավելել է, որ այդ տարիներին Ռուբինյանը Ստամբուլի «Սաբանջը» համալսարնում զբաղվել է «գիտական գործունեությամբ», իսկ թե ինչ գիտական գործունեություն է, պարզ չէ։

«Սուտ խոսելը լավ բան չէ, առավել ևս քաղաքական գործչի համար․․․ Մի բան էլ ասեմ՝ երբ հայաստանցիները գնում են Թուրքիա աշխատելու, հայտնվում են Թուրքիայի հատուկ ծառայությունների ուշադրության կենտրոնում․․․ Հարց մնաց՝ դուք եղե՞լ եք Թուրքիայի հատուկ ծառայությունների ուշադրության կենտրոնում, թե՞ ոչ, և ինչպե՞ս ստացվեց, որ վերադառնալուց հետո դուք եղաք հայ-թուրքական հարաբերությունների կարգավորման հարցով հատուկ բանագնաց»։