«Ատեստացիայի չափանիշները խիստ են սահման պահող պայմանագրայինների համար»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Տավուշի մարզում սահմանագոտին պաշտպանող պայմանագրային զինծառայողները հայտնեցին, որ վերջերս մարզի սահմանապահ պայմանագրայինների 10 հոգանոց խումբ պաշտպանության նախարարությունում ատեստացիայի է մասնակցել, խմբից միայն մեկն է անցել ատեստացիան։ Ատեստացիայի քննություններից մեկը 3կմ վազքն է, որը հաղթահարելու համար որոշակի ժամանակ է նախատեսված։ Պայմանագրային զինծառայողներն ասում են, որ ատեստացիայի չափանիշները խիստ են սահման պահող պայմանագրայինների համար։ Հավելեմ, որ ամսվա մեջ 15 օր սահման պաշտպանող, պաշտոն, կոչում չունեցող, ատեստացիա չանցած պայմանագրային զինծառայողները մոտ 180 հազար դրամ աշխատավարձ են ստանում։