«Վաղը պետք է լինենք ավելի շատ, քան հիմա ենք». Դավիթ Մանուկյան

«Ապրելու երկիր» կուսակցության քաղաքական խորհրդի անդամ Դավիթ Մանուկյանի ֆեյսբուքյան գրառումը. «Ոչինչ ավելի թանկ չէ, քան մեր սերունդների՝ ազատ, անկախ, անվտանգ և արժանապատիվ կյանքը։ Ամեն սերունդ պարտավոր է հաջորդին թողնել, առնվազն մի փոքր ավելի ուժեղ, անվտանգ ու բարեկեցիկ երկիր։ Դրա համար պատասխանատու ենք բոլորս, յուրաքանչյուրն իր տեղում, իր չափով։ Եվ սա ինչ-որ աբստրակտ միտք չէ, այլ՝ թե ինչ ես ուզում անձամբ դու թողնել քո երեխաներին, ինչպիսի երկրում են նրանք ապրելու։
Որպես պետականություն ունեցող ազգ՝ մենք պետք է ունենանք մեր ազգային հայեցակարգը, մեր պետության ապագայի մասին։ Վաղը պետք է լինենք ավելի շատ, քան հիմա ենք, ունենանք ավելի մեծ ու հզոր երկիր, քան այսօր է։
Հողը, հայրենիքը, գաղափարն ապրում են մարդով, պատկանում մարդուն, նրան, ով կրում է այդ գաղափարն, ապրում է այդ հողի վրա, շատանում, հզորանում և տեր է կանգնում իր հայրենիքին»։