Կալլասը հայտարարել է, որ 4 երկիր կանդամակցի ԵՄ-ին մինչև 2030 թվականը

Ալբանիան, Մոլդովան, Ուկրաինան և Մոնտենեգրոն կարող են ավարտել Եվրոմիությանն անդամակցելու գործընթացը մինչև 2030 թվականը, Բրյուսելում կայացած մամուլի ասուլիսում հայտարարել է ԵՄ արտաքին գործերի ղեկավար Կայա Կալլասը, հաղորդում է TASS-ը։

«Մենք ԵՄ-ին անդամակցելը մինչև 2030 թվականը համարում ենք իրատեսական նպատակ նոր երկրների համար»,- նշել է նա՝ ընդգծելով, որ Ուկրաինայի համար նման քայլը կարող է նաև ծառայել՝ որպես «կարևոր անվտանգության երաշխիք»։

Նույն միջոցառման ժամանակ ընդլայնման հարցերով եվրոհանձնակատար Մարտա Կոսը հայտարարել է, որ Եվրոհանձնաժողովը կենտրոնանում է Մոնտենեգրոյի դիրքորոշման վրա՝ անդամակցության բանակցությունները 2026 թվականին ավարտելու հարցում։ Նրա խոսքով՝ Ալբանիան նախատեսում է այս քայլն ավարտել մինչև 2027 թվականը, մինչդեռ Ուկրաինան և Մոլդովան նախատեսում են դա անել մինչև 2028 թվականը։

Հոկտեմբերի 14-ին Եվրոհանձնաժողովի նախագահ Ուրսուլա ֆոն դեր Լեյենը ենթադրել է, որ Մոնտենեգրոն կարող է միանալ ԵՄ-ին 2028 թվականին, քանի որ այն ներկայում առաջինն է թեկնածու երկրների շարքում։