ԱՄՆ-ն ոչնչացրել է ենթադրաբար թմրանյութ տեղափոխող ևս 4 նավակ

Խաղաղ օվկիանոսի արևելյան հատվածում հատուկ գործողության ընթացքում ԱՄՆ-ի զինված ուժերը միջազգային ջրերում ոչնչացրել են չորս նավակ, որոնք կասկածվում էին թմրանյութերի ապօրինի շրջանառության համար։
Ինչպես Փենթագոնի քարտուղար Փիթ Հեգսեթը հայտնել է X սոցիալական ցանցում, նավի վրա գտնվող 14 կասկածյալներ սպանվել են, իսկ մեկը՝ ողջ մնացել։ Բոլոր հարվածները տեղի են ունեցել միջազգային ջրերում»: «Այս նարկոահաբեկիչները սպանել են ավելի շատ ամերիկացիների, քան «Ալ-Քաիդան», և նրանց հետ նույն կերպ կվարվենք», - հավելել է Հեգսեթը։

Ինչպես օգոստոսին հաղորդել էր The New York Times-ը, Թրամփը գաղտնի ստորագրել է լատինաամերիկյան թմրամիջոցների կարտելների դեմ ռազմական ուժ կիրառելու հրահանգ։ Դրանից հետո Կարիբյան ավազանում տեղակայվել են ԱՄՆ-ի լրացուցիչ նշանակալի ռազմական ստորաբաժանումներ։ Այնուհետև Վաշինգթոնը սկսել է օդային հարվածներ հասցնել այն նավակների դեմ, որոնք, ըստ ԱՄՆ-ի կառավարության, թմրանյութեր էին տեղափոխում Կարիբյան ավազանում և Խաղաղ օվկիանոսում։