Լեհաստանում օդային շոուի փորձի ժամանակ F-16 է կործանվել

Լեհաստանի ռազմաօդային ուժերի F-16 կործանիչը վթարի է ենթարկվել Ռադոմ քաղաքում ավիաշոուի նախապատրաստական ​​աշխատանքների ժամանակ, լրագրողներին հայտնել է երկրի կառավարության խոսնակ Ադամ Շլապկան։
«F-16-ը վթարի է ենթարկվել Ռադոմում ավիաշոուի փորձի ժամանակ։ Օդաչուն չի փրկվել»,- ասել է Շլապկան։
Սոցիալական ցանցերում շրջանառվում են վթարի պահի սիրողական տեսանյութեր։ Դրանցում երևում է, թե ինչպես է F-16-ը մեծ արագությամբ սլանում ներքև, ապա բախվում գետնին։ Տեղի է ունենում հզոր պայթյուն։