«Հայաստանը մտել է ռեպրեսիաների փուլ»․ Արմինե Օհանյան

«Հրապարակ» օրաթերթի խմբագիր Արմինե Օհանյանի ֆեյսբուքյան գրառումը․ «Բայց պետք է հասկացաք լինեինք, որ հունիսի 18-ին՝ Սամվել Կարապետյանի կալանքով և Արմեն Աբազյանի հրաժարականով Հայաստանը մտել է նոր փուլ՝ ռեպրեսիաների փուլ․․․Նիկոլ Փաշինյանը մի կարևոր կարմիր գիծ խախտեց այդ օրը՝ իր հրահանգով, առանց որեւէ հիմնավորման, բացառապես մի՝ հանցանք չպարունակող նախադասության համար մարդ կալանավորեց։ Հիմա այլևս պետք չէ զարմանալ, որ ինչ որ աբսուրդ պլան են հրապարակում ու դրա հիման վրա մարդկանց տներ մտնում։ Վաղը նույն սկզբունքով մտնելու են ձեր տուն, ձեր հարևան Պողոսի տուն, ասելու են՝ այսինչ օրը մեղադրյալ Արթուր Սարգսյանին փողոցում բարևել ես, ուրեմն իր հանցախմբի անդամ ես․․․Էս պրոցեսը կանխելու մի ձև կար՝ Կարապետյանի կալանքը իրենք չպետք է մարսեին, այնպիսի հակազդեցություն պետք է լիներ, որ չհամարձակվեին հաջորդին վերցնել»։