«Իրանը պատրաստ է երբեք չարտադրել միջուկային զենք՝ ԱՄՆ պատժամիջոցների չեղարկման դիմաց»․ Խամենեիի խորհրդական
![]() Իրանը պատրաստ է երբեք միջուկային զենք չարտադրել, եթե ԱՄՆ պատժամիջոցները չեղարկվեն, հաղորդում է NBC-ն՝ հղում անելով Իսլամական Հանրապետության գերագույն առաջնորդ այաթոլլա Ալի Խամենեիի քաղաքական հարցերով գլխավոր խորհրդական Ալի Շամխանիին։ Շամխանին հեռուստաալիքին ասել է, որ Իրանը պատրաստ է պարտավորություն ստանձնել երբեք չարտադրել միջուկային զենք և ձերբազատվել իր բարձր հարստացված ուրանի պաշարներից, որոնք կարող են օգտագործվել որպես միջուկային զենքի հումք, եթե ԱՄՆ-ն անհապաղ վերացնի Թեհրանի դեմ բոլոր տնտեսական պատժամիջոցները։ Իրանական կողմը նաև պատրաստ է որպես գործարքի մաս համաձայնել, որ ուրանը հարստացվի միայն խաղաղ նպատակների համար անհրաժեշտ մակարդակով և միջազգային տեսուչներին թույլ տալ վերահսկել այս գործընթացը։ Հարցին, թե արդյո՞ք Իրանը պատրաստ է այսօր ստորագրել համաձայնագիրը, եթե իր պայմանները կատարվեն, Շամխանին պատասխանել է՝ «այո»։ ԱՄՆ-ի և Իրանի միջև անուղղակի բանակցությունները շարունակվում են ապրիլից, արդեն տեղի են ունեցել չորս հանդիպում տարբեր վայրերում։ Վերջին փուլից հետո Իրանի արտգործնախարար Աբբաս Արաղչին հայտարարել էր, որ երկիրը կարող է սահմանափակել ուրանի հարստացման մակարդակը կամ դրա ծավալները, բայց լիովին չի հրաժարվի այդ տեխնոլոգիայից։ Նախորդ բանակցություններում էական առաջընթաց չի գրանցվել, այս համատեքստում Վաշինգթոնն ընդլայնել է Թեհրանի դեմ պատժամիջոցները։ |

Ավետ Կոնջորյանի «հարցով» դիմել են ՔՊ վարչությանը. կուսակցությունից կհեռացնե՞ն․ «Ժողովուրդ»
3809:06
«Այս ամենը տեղավորվում է Նիկոլի հնարած «Իրական Հայաստանի» քաղաքական տրամաբանության մեջ»․ Արմեն Հովասափյան
6908:30
«Կառավարությունն ում համար է բարերար, ում համար՝ վնասատու և չարագործ»․ Սևակ Հակոբյան (տեսանյութ)
14403:06
«Սեփական մեղքը փորձում են բարդել նրանց վրա, ովքեր ծառայել են հայրենիքին»․ Միհրան Մախսուդյան
12002:06
«Ջրային ռեսուրսներին վերաբերող հարցերը լուրջ նշանակություն ունեն Բաքվի համար»․ Վարդան Ոսկանյան
14001:06
Համբուրգում ցուցարարները պահանջում են Մերցի հրաժարականը (տեսանյութ)
21700:31
