Գազայի դպրոցին հասցված ավիահարվածից 15 մարդ է զոհվել

Գազայի հատվածում գտնվող դպրոցի շենքին Իսրայելի հասցրած ավիահարվածի հետևանքով զոհվել է առնվազն 15 մարդ։ Այս մասին հայտնել է «Al Jazeera»-ն։

Ըստ աղբյուրի՝ Իսրայելի ռազմաօդային ուժերը մի շարք հարվածներ են հասցրել Ջաբալիա քաղաքում՝ պաղեստինյան անկլավի հյուսիսում գտնվող օրիորդաց դպրոցի շենքին։ Ռմբակոծության հետևանքով զոհվել է ներսում գտնվող առնվազն 15 փախստական, այդ թվում՝ երեխաներ։

Հեռուստաալիքը նաև հաղորդում է, որ վերջին 24 ժամվա ընթացքում Գազայի հատվածում Իսրայելի պաշտպանության ուժերի կողմից իրականացված հարվածների և ռմբակոծությունների հետևանքով զոհվել է 40 պաղեստինցի, ավելի քան 80-ը՝ վիրավորվել։