«Պակիստանի կողմից հարձակումները հետ են մղվել»․ Հնդկաստանի ՊՆ

Հնդկաստանի պաշտպանության նախարարությունը հայտարարել է, որ իր բանակը հաջողությամբ հետ է մղել պակիստանյան անօդաչու թռչող սարքերի հարձակումները սահմանային գոտիներում։ Այս մասին գործակալությունը հայտնել է X սոցիալական ցանցում:

«ԱԹՍ-ների հարձակումներն արդյունավետորեն հետ են մղվել, և տրվել է համարժեք պատասխան»,- հայտարարել է Հնդկաստանի ՊՆ-ն։

Գերատեսչությունը պարզաբանել է, որ Պակիստանը մայիսի 9-ի գիշերը հարվածներ է հասցրել արևմտյան սահմանի ողջ երկայնքով։

Ավելի վաղ NDTV-ն հաղորդել էր, որ Հնդկաստանի ռազմածովային ուժերը սկսել են հարվածել Պակիստանում գտնվող մի քանի թիրախների՝ «պատասխան գործողության» շրջանակներում։ Գործողությունն սկսվել է «Պակիստանի կողմից Ջամմու և Քաշմիր շրջաններում հրթիռային հարվածների կիրառմամբ իրավիճակի սրացումից հետո»։

Ավելի վաղ Հնդկաստանի ՊՆ-ն հայտնել էր, որ Հնդկաստանում տագնապի բարձր մակարդակ է հայտարարվել։