«Պուտինը բազմիցս նշել է, որ պատրաստ է բանակցությունների՝ առանց նախապայմանների»․ Պեսկով

ՌԴ նախագահ Վլադիմիր Պուտինը բազմիցս նշել է, որ Ռուսաստանը պատրաստ է բանակցություններ վարել Ուկրաինայի հետ՝ առանց որևէ պայմանի, սակայն Կիևի ռեժիմից դեռևս արձագանք չկա։ Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։

Մեկնաբանելով Ֆրանսիայի նախագահ Էմանուել Մակրոնի՝ Ռուսաստանի վրա ճնշումն ավելացնելու անհրաժեշտության մասին հայտարարությունը, Կրեմլի խոսնակը նշել է, որ նրանք, ըստ երևույթին, չեն լսել ՌԴ ղեկավարի հայտարարությունները։

«Տպավորություն է՝ կարծես, Ֆրանսիայում չեն բարեհաճում լսել նախագահ Պուտինի հայտարարությունները։ Հենց նախագահ Պուտինն էր բազմիցս ասել, որ Ռուսաստանը պատրաստ է սկսել բանակցային գործընթացը՝ առանց որևէ նախապայմանի։ Մինչև հիմա մենք Կիևի ռեժիմից պատասխան չենք լսել»,- ասել է Պեսկովը։