«ՌԴ-ն Իրանի ռազմավարական գործընկերն ու կարևոր հարևանն է»․ Արաղչի

Իրանի գերագույն առաջնորդի ուղերձը Ռուսաստանի նախագահ Վլադիմիր Պուտինին ազդանշան է աշխարհին, որ Թեհրանը Մոսկվային համարում է իր ռազմավարական գործընկերը, հայտարարել է Իրանի արտգործնախարար Աբբաս Արաղչին։

Արաղչին հայտնել է, որ Իրանի գերագույն առաջնորդի՝ Վլադիմիր Պուտինին հասցեագրված նամակը աշխարհում և Մերձավոր Արևելքի տարածաշրջանում վերջին իրադարձությունների և երկկողմ հարաբերությունների մասին է:
«Այս ուղերձը ոչ միայն ՌԴ առաջնորդ պարոն Պուտինին է հղված, այլ, մյուս կողմից, այն ազդանշան է ողջ աշխարհին, որ Իրանը Ռուսաստանին համարում է իր ռազմավարական գործընկերը և կարևոր հարևանը», - ասել է Արաղչին ՌԴ արտգործնախարար Սերգեյ Լավրովի հետ բանակցությունների մեկնարկից առաջ։
Արաղչին հայտնել է, որ հինգշաբթի Պուտինին է փոխանցել Իրանի գերագույն առաջնորդ Այաթոլլա Խամենեիի

նամակը։ Իրանի ԱԳ նախարարը Մոսկվա էր մեկնել ռուսաստանցի իր պաշտոնակցի հրավերով։