«Ստամբուլում ուկրաինական կարգավորումը չի քննարկվում»․ Պեսկով

Ստամբուլում ռուս-ամերիկյան խորհրդակցություններին ուկրաինական կարգավորումը չի քննարկվում։ Այս մասին հայտնել է ՌԴ նախագահի մամուլի քարտուղար Դմիտրի Պեսկովը։

«Սրանք բանակցություններ են ԱԳՆ-ի և Պետդեպարտամենտի միջև՝ բացառապես երկկողմ հարաբերությունների բարելավման և կարգավորման հարցերի շուրջ: Ուկրաինական կարգավորման թեման այս բանակցություններում չի քննարկվում»,- ասել է Պեսկովը։

Ի պատասխան խորհրդակցությունների ընթացքում պայմանավորվածությունների ձեռքբերման ժամկետների վերաբերյալ հարցին՝ Կրեմլի ներկայացուցը պատասխանել է,

«Ժամանակային շրջանակներ չկան, կա ըմբռնում, որ բոլորը շահագրգռված են արագ կարգավորման հարցում, սակայն՝ կողմերի շահերը պատշաճ կերպով հաշվի առնելով»,- հավելել է Պեսկովը։