«Զելենսկին խափանեց օգտակար հանածոների պարզ գործարքը». Բեսենտ
![]() Ուկրաինայի նախագահ Վլադիմիր Զելենսկին պատրաստ էր ռեսուրսների վերաբերյալ համաձայնագիր ստորագրել Միացյալ Նահանգների հետ, բայց «նա խափանեց աշխարհի ամենապարզ գործարքը»,- ասել է ԱՄՆ ֆինանսների նախարար Սքոթ Բեսենտը։ «Մենք պատրաստվում էինք համաձայնագիր ստորագրել ուկրաինացիների հետ, և դա մի քանի բան կտար. նախ՝ դա կխորացներ ԱՄՆ-Ուկրաինա գործընկերությունը: Երկրորդ՝ ազդանշան կլիներ Ռուսաստանի ղեկավարության համար, որ ԱՄՆ-ն Ուկրաինային մենակ չի թողնում: Եվ, ամենակարևորը՝ դա ամերիկացի ժողովրդին ցույց կտար, որ մենք տնտեսապես մոտիվացված ենք, և որ մենք պարզապես հսկայական դրամաշնորհներ չենք տալիս, ինչպես ԱՄՆ ՄԶԳ-ի դեպքում էր», - ասել է Բեսենտը: «Նա հասավ Օվալաձև գրասենյակ և խափանեց այն, ինչը պետք է լիներ աշխարհի ամենահեշտ գործարքը», - եզրափակել է ԱՄՆ ֆինանսների նախարարը: Զելենսկու Սպիտակ տուն այցից և Թրամփի հետ վիճաբանությունից հետո կողմերն ընդհատեցին բանակցությունները։ Մարտին ԱՄՆ-ն Ուկրաինային փոխանցել էր համաձայնագրի նոր տարբերակը։ «European Pravda»-ն, հղում անելով փաստաթղթին, գրել է, որ այն նման է առաջին տարբերակին, որը Զելենսկին մերժել էր։ Համաձայնագիրը վերաբերում էր Վաշինգթոնի կողմից տրամադրվող ռազմական օգնության փոխհատուցմանը։ Ուկրաինայի նախագահը դեմ էր արտահայտվել այդ գաղափարին։ |

Ավետ Կոնջորյանի «հարցով» դիմել են ՔՊ վարչությանը. կուսակցությունից կհեռացնե՞ն․ «Ժողովուրդ»
3809:06
«Այս ամենը տեղավորվում է Նիկոլի հնարած «Իրական Հայաստանի» քաղաքական տրամաբանության մեջ»․ Արմեն Հովասափյան
6908:30
«Կառավարությունն ում համար է բարերար, ում համար՝ վնասատու և չարագործ»․ Սևակ Հակոբյան (տեսանյութ)
14403:06
«Սեփական մեղքը փորձում են բարդել նրանց վրա, ովքեր ծառայել են հայրենիքին»․ Միհրան Մախսուդյան
12002:06
«Ջրային ռեսուրսներին վերաբերող հարցերը լուրջ նշանակություն ունեն Բաքվի համար»․ Վարդան Ոսկանյան
14001:06
Համբուրգում ցուցարարները պահանջում են Մերցի հրաժարականը (տեսանյութ)
21700:31
