«Մոսկվայի, Կիևի և Վաշինգթոնի միջև լավ համագործակցություն կա»․ Թրամփ

Մոսկվան և Կիևը «լավ համագործակցություն» ունեն Վաշինգթոնի հետ՝ ուկրաինական հակամարտության կարգավորման հարցում, հայտարարել է ԱՄՆ նախագահ Դոնալդ Թրամփը:

«Կարծում եմ, որ ԱՄՆ-ի, Ռուսաստանի և Ուկրաինայի միջև լավ համագործակցություն է ձևավորվել»,- ասել է նա:

Միաժամանակ, ԱՄՆ նախագահը վստահեցրել է, որ ցանկանում է վերջ տալ ուկրաինական հակամարտությանը, ինչպես նաև կանխել նոր հակամարտության սկիզբը Մերձավոր Արևելքում:

«Պետք է կանգնեցնենք դա՝ մարդասիրությունից ելնելով», - ասել է Թրամփը:

«Այս ապարդյուն պատերազմը չէր լինի, եթե ես լինեի նախագահ։ Այն չպետք է շարունակվի», հավելել է նա:

Հիշեցնենք, որ Ռուսաստանի փոխարտգործնախարար Սերգեյ Ռյաբկովը հայտարարել էր, որ ԱՄՆ-ի կողմից առաջարկված մոտեցումները շրջանցում են ուկրաինական հակամարտության սկզբնապատճառները։