Օնտարիոյի վարչապետը վստահեցնում է` Կանադան չի ենթրակվի ճնշմանը

Օնտարիոյի վարչապետ Դագ Ֆորդը խիստ անհամաձայնություն է հայտնել ԱՄՆ-ի նախագահ Դոնալդ Թրամփի՝ կանադական պողպատի և ալյումինի մաքսատուրքերը բարձրացնելու որոշման հետ։ Ֆորդն ասել է, որ Կանադան մտադիր չէ տրվել ճնշմանը և կպաշտպանի իր շահերը։

Ամերիկացի ժողովրդին ուղղված ուղերձում նա դատապարտել է Թրամփի գործողությունները՝ դրանք անվանելով անհիմն հարձակում, որը վնաս է հասցնում կանադական ընտանիքներին և աշխատատեղերին։ Ֆորդը երկխոսության և կառուցողական բանակցությունների կոչ է արել առևտրային վեճը լուծելու համար։

Ավելի վաղ Թրամփը հավելյալ տուրքեր սահմանելու իր որոշումը հիմնավորել էր նրանով, որ Կանադայի իշխանությունները բարձրացրել են էլեկտրաէներգիայի գները ամերիկյան մի քանի նահանգների համար՝ ի պատասխան Վաշինգթոնի՝ նախկինում ներդրված սահմանափակող միջոցների։ Սակայն Ֆորդը հերքել է այդ մեղադրանքները՝ ընդգծելով ամերիկյան կողմի գործողությունների անընդունելիությունը։