Մասկը գլխավորել է հարուստների նոր դասի՝ սուպերմիլիարդատերերի ցուցակը

Մասկը գլխավորել է սուպերմիլիարդատերերի ցուցակը, որում ընդգրկված են ընդամենը 24 մարդ ամբողջ աշխարհից։

Այս մասին գրում է The Wall Street Journal-ը։

Վարկանիշի առաջին տեղում է SpaceX-ի, Tesla-ի և X-ի ղեկավար Իլոն Մասկն է, որի կարողությունը գնահատվում է 419,4 միլիարդ դոլար: Նրան հաջորդում են առցանց մանրածախ առևտրի հիմնադիր Ջեֆ Բեզոսը (263,8 միլիարդ դոլար), Լյուքս դասի ապրանքներ արտադրող ֆրանսիական LVMH ընկերության տնօրեն Բեռնար Արնոն (238 միլիարդ դոլար) Oracle- տեխնոլոգիական ընկերության ղեկավար Լարի Էլիսոնը (238 միլիարդ դոլար), Meta-ի գլխավոր տնօրեն Մարկ Ցուկերբերգը (220,8 միլիարդ դոլար):

Ցուցակում 16 հոգու կարողությունը գերազանցում է 100 միլիարդ դոլարը։

Այսպիսով, աշխարհում հայտնվել է հարուստների նոր կատեգորիա՝ սուպերմիլիարդատերեր, որոնց կարողությունը գերազանցում է 50 մլրդ դոլարը, գրում է The Wall Street Journal-ը: