«Նախատեսվում է 1 օր և 7 օր տոմսերի ուղևորությունները դարձնել անսահմանափակ». Սուրեն Գրիգորյան

Երևանի փոխքաղաքապետ Սուրեն Գրիգորյանն ավագանու նիստում ներկայացրեց նախագիծ, որով նախատեսվում է որոշակի փոփոխություններ կատարել միասնական տոմսային համակարգում. «Նախատեսվում է թոշակառուներին տրվող արտոնյալ տոմսերի տրամադրման դեպքում Երևան քաղաքի հաշվառման պահանջը հանել, արտոնություն տրամադրել նաև Երևանի հաշվառում չունեցող թոշակառուներին: Հաշմանդամություն ունեցող երեխաներին ևս անվճար երթևեկության իրավունք ունեցող անձանց շրջանում ներառել: Առաջարկվում է 4 և ավելի երեխա ունեցող քաղաքացիներին տրամադրել երթևեկության անվճար հնարավորություն՝ անկախ երեխաների տարիքից՝ հանելով երեխաների անչափահասության պահանջը: 1 օր և 7 օր տոմսերի ուղևորությունները դարձնել անսահմանափակ: 90 րոպեի ընթացքում 3 ուղևորության հնարավորություն տվող տոմսի վավերականության ժամկետը երկարացնել և սարքել 180 րոպե: Այս որոշումների ուժի մեջ մտնելու ժամանակը որոշված է մարտի 1-ը՝ հաշվի առնելով, որ ենթադրում է տեխնիկական փոփոխություններ համակարգում:

10 օրվա ուղևորությունը, որը ձեռք է բերվում 1500 դրամով, վավերականության ժամկետը 30 օրից երկարաձգել 45 օր»,- ասաց պաշտոնյան:

Ավելի ուշ ավագանին ընդունեց նշված նախագիծը: