Աշխարհի խոշորագույն բեռնատար ինքնաթիռների օպերատորը պատրաստ է թռիչքներ իրականացնել դեպի Հայաստան 

Ռուսական «Վոլգա-Դնեպր» ավիաընկերությունը, որը Ան-124 «Ռուսլան» և Իլ-76 բեռնատար ինքնաթիռների խոշորագույն մասնավոր օպերատորն է, պատրաստ է թռիչքներ իրականացնել դեպի Հայաստան: Այս մասին «Sputnik Արմենիա»-ի հետ զրույցում ասել է ավիաընկերության ինժեներական կենտրոնի ղեկավար Անատոլի Զագորդանը։

«Հաշվի առնելով, որ Հայաստանում ակտիվ քննարկվում են մուլտիմոդալ (տրանսպորտի տարբեր տեսակների օգտագործմամբ) փոխադրումների տարբերակները, հնարավոր է՝ հայ գործընկերներին հետաքրքրի ծանրաքաշ ավիացիայով փոխադրումների քննարկումը»,- նշել է Զագորդանը: Բացի այդ, ընկերությունը պատրաստ է մասնակցել թռիչքատեխնիկական և ինժեներական անձնակազմի վերապատրաստմանը: