«Իսկ դուք ի՞նչ եք արել, 2021 թվականից մինչև հիմա ինչո՞վ եք զբաղվել»․ Բաբկեն Թունյանը՝ ընդդիմությանը

«Իսկ դուք ի՞նչ եք արել, 2021 թվականից մինչև հիմա ինչո՞վ եք զբաղվել»,- Աժ ամբիոնից, ի պատասխան պետբյուջեի քննարկումների ժամանակ ընդդիմադիրների հնչեցրած ելույթների, ասաց ՔՊ-ական պատգամավոր Բաբկեն Թունյանը։ Նա ընդդիմադիրներին մեղադրեց խոստումները չկատարելու մեջ․ «Հիշում եմ, որ դուք եկել եք սեփական օրակարգով ու ձեր խոստումը մեզ հեռացնելն էր, հիմա մինչև 2026 թվականն աշխատավարձ եք ստանալու՝ առանց ձեր խոստումը կատարելո՞ւ։ Ես համաձայն չեմ տեսակետի հետ, որ դուք վերադառնում եք կառուցողական դաշտ, դուք չեք կողմնորոշվում՝ փողոցո՞ւմ ձեր գործունեությունը ծավալեք, թե՞ Ազգային ժողովում, դուք մնացել եք մեջտեղը ու աշխատանքի գալիս եք կոմպլեքսավորված՝ մտածելով, որ այստեղ մի քիչ կառուցողական ոճի մեջ մտնեք՝ կարող է ձեզ փողոցում չընդունեն»,- ասաց Թունյանը։