«Մարտերը պետք է դադարեցվեն «լիարժեք» պաղեստինյան պետության ստեղծմամբ». Վլադիմիր Պուտին

Նախագահ Վլադիմիր Պուտինը հայտարարել է, որ Գազայի հատվածում մարտերը պետք է դադարեցվեն «լիարժեք» պաղեստինյան պետության ստեղծմամբ։ Նա նշել է, որ ռուսական կողմը հավատարիմ է եղել այս դիրքորոշմանը դեռ ԽՍՀՄ ժամանակներից։
«Ես սա ևս մեկ անգամ կկրկնեմ, որ պաղեստինյան հիմնախնդրի լուծման հիմնական ճանապարհը լիարժեք պաղեստինյան պետության ստեղծումն է»,- ասել է նախագահը երկրի առաջատար լրատվամիջոցների ղեկավարների հետ հանդիպմանը։

Վլադիմիր Պուտինը նաև առաջարկել է վերադառնալ «Մերձավորարևելյան քառյակի» ձևաչափին՝ պաղեստինա-իսրայելական հակամարտությունը լուծելու համար։ «Ես հիմա չեմ մեղադրի ԱՄՆ-ին, բայց իզուր էր, որ նրանք ոչնչացրին Մերձավոր Արևելքի քառյակը։ Ես չեմ ուզում անընդհատ նրանց մատնացույց անել և ասել, որ իրենք են մեղավոր բոլոր անախորժությունների համար, և դա այդպես չէ, բայց «չորսն» ապարդյուն ոչնչացվեցին: Ավելի հեշտ էր համակարգել բոլոր դիրքերը։ ԱՄՆ-ն իր վրա վերցրեց, մենաշնորհեց այս գործը, իր վրա վերցրեց ողջ պատասխանատվությունը և, ի վերջո, չստացվեց, ձախողվեց»,- ասել է նախագահը։

Նրա խոսքով՝ պաղեստինցիները «չեն լքի» Գազայի հատվածը, իսկ հումանիտար խնդիրները կհանգեցնեն «իրենց շահերը պաշտպանել» ցանկացողների թվի ավելացմանը։ «Այն տեսակետը, որը ես հիմա ձեզ եմ հայտնում, Իսրայելում շատերն են կիսում։ Ես հնարավորություն ունեմ տեղեկություններ ստանալու Իսրայելում այս տեսակետի տեր մարդկանցից։ Մենք դեռ կապի մեջ ենք։ Մենք կապի մեջ ենք Իսրայելի և Պաղեստինի հետ»,- ասել է նա։