Մակրոնը կոչ է արել չզոհաբերել Լիբանանը

Գազայի հատվածում կռվելու համար Իսրայելին զենքի մատակարարման դադարեցումն առաջնահերթություն է հակամարտության քաղաքական լուծման համար։ Այս մասին France Inter ռադիոյի եթերում հայտարարել է Ֆրանսիայի նախագահ Էմանուել Մակրոնը։

Նա նշել է, որ հակամարտության կարգավորման հարցում «դրական զարգացումներ» չկան և դժգոհություն է հայտնել, որ Իսրայելը «չի լսում» Ֆրանսիայի դիրքորոշումը։

Մակրոնն անդրադարձել է նաև իսրայելական բանակի ցամաքային գործողությանը Լիբանանում՝ անընդունելի համարելով «լիբանանցիների զոհաբերությունը»։ Նա նշել է, որ «Լիբանանը չպետք է դառնա նոր Գազա» և կոչ է արել դադարեցնել ռազմական գործողությունները։