Տուգանքներ childfree-քարոզչության համար. Ռուսաստանի կառավարությունը աջակցեց օրինագծին

Առաջարկվող փաստաթուղթն ուղղված է «ռուսական ավանդական հոգևոր և բարոյական արժեքների ամրապնդմանը», ասվում է նախարարների կաբինետի պատասխանում, հայտնում է ՏԱՍՍ պետական ​​գործակալությունը։

Երեխաներից հրաժարվելու, այսպես կոչված՝ childfree-քարոզչության համար ՌԴ-ում այսուհետ վարչական պատիժը կլինի նույնը, ինչ ոչ ավանդական սեռական հարաբերությունների քարոզչության դեպքում, գրում է ՏԱՍՍ-ը։ Սա նշանակում է, որ երեխաներ ծնելուց հրաժարվելու գաղափարների տարածումը ֆիզիկական անձանց համար կպատժվի մինչև 100 հազար ռուբլի տուգանքով, իսկ իրավաբանական անձանց համար՝ մինչև 1 միլիոն ռուբլի։

Նախարարների կաբինետը նաև վերանայման վերապահումով աջակցել է օրինագծին, որն արգելում է childfree-քարոզչության տարածումը լրատվամիջոցներում, համացանցում, ֆիլմերում և գովազդում, նշում է ՏԱՍՍ-ը։

Երկու փաստաթղթերն էլ հաստատվել են Ռուսաստանի կառավարության կողմից:

Հիշեցնենք, որ ըստ Ռոսստատի տվյալների, Ռուսաստանի Դաշնությունում ծնելիության մակարդակն իջել է 1999 թվականից ի վեր ամենացածր մակարդակին: