Օմսկում դեռահասներն այրել են Մի-8 ուղղաթիռ

Սեպտեմբերի 21-ին 16-ամյա երկու դպրոցականներ մտել են Օմսկի ավիաբազա, Մոլոտովի կոկտեյլ նետել ուղղաթիռի վրա և դեպքի վայրից դիմել փախուստի, գրում են Կրեմլամետ Telegram ալիքները։ Ավելի ուշ դեռահասներին բերման են ենթարկել։

Baza-ն գրում է, որ դեռահասները Telegram-ի միջոցով ստացել են ուղղաթիռն այրելու հանձնարարությունը, և նրանց աշխատանքի համար, իբր, խոստացել են 20 հազար դոլար։ SHOT-ը պնդում է, որ հանձնարարությունն ստացվել է «ուկրաինացի կուրատորներից»։