Ձերբակալվել է Վլադիսլավ Բակալչուկը

Մոսկվայում ձերբակալվել է Wildberries-ի հիմնադիր Տատյանա Բակալչուկի ամուսինը՝ համահիմնադիր Վլադիսլավ Բակալչուկը, հայտնում է РИА Новости-ն։ Գործարարին ձերբակալել են 48 ժամով։

Նրան մեղադրանք է ներկայացվել «Սպանություն», «Սպանության փորձ», «Կամայականություն», ինչպես նաև «Իրավապահ մարմինների աշխատակցի կյանքի նկատմամբ ոտնձգություն» հոդվածներով։ Պաշտպաններն անհեթեթություն են որակել մեղադրանքը։

Հիշեցնենք՝ սեպտեմբերի 18-ին, Մոսկվայի կենտրոնում գտնվող Wildberries-ի գրասենյակում հրաձգություն էր տեղի ունեցել, որի հետևանքով զոհվել էր երկու, վիրավորվել յոթ մարդ։
Տատյանա Բակալչուկը հայտարարել էր, որ «մի խումբ մարդիկ՝ Վլադիսլավ Բակալչուկի գլխավորությամբ, փորձել են գրավել Wildberries-ի գրասենյակները»: Նա հերքել էր Վլադիսլավ Բակալչուկի պնդումը, թե եկել էին բանակցությունների։