Երևան`   +15 °C
Այսօր`   Երկուշաբթի, 27 մայիսի, 2024 թ.

Իսրայել Կացը Իրանին մեղադրել է «ծովահենային գործողություն» իրականացնելու համար

809
Շաբաթ, 13 ապրիլի, 2024 թ., 19:48
Իսրայել Կացը Իրանին մեղադրել է «ծովահենային գործողություն» իրականացնելու համար

Իսրայելի արտգործնախարար Իսրայել Կացը Հորմուզի նեղուցում MSC Aries առևտրային նավի առգրավումից հետո Իրանին մեղադրել է «ծովահեն գործողություն» իրականացնելու համար:

Նա Եվրոմիությանը կոչ է արել Իսլամական հեղափոխության պահապանների կորպուսը ճանաչել «ահաբեկչական կազմակերպություն»՝ պնդելով, որ Իրանը խախտում է միջազգային իրավունքը:

Ավելի վաղ հայտնի էր դարձել, որ ԻՀՊԿ ռազմածովային ուժերը Հորմուզի նեղուցում գրավել են MSC Aries առևտրային նավը: Լրատվամիջոցների տվյալով՝ Պորտուգալիայի դրոշի ներքո նավարկող MSC Aries կոնտեյներային նավը կապված է լոնդոնյան Zodiac Maritime ընկերության հետ, որը իսրայելցի գործարար Էյալ Օֆերի Zodiac Group-ի մաս է կազմում: