«Առանց վերապահումների աջակցում եմ ՀՀ տարածքային ամբողջականությանը». Կոբախիձե

Ես առանց վերապահումների աջակցում եմ Հայաստանի տարածքային ամբողջականությանը: Այս մասին այսօր Երևանում ՀՀ վարչապետ Նիկոլ Փաշինյանի հետ համատեղ ասուլիսի ժամանակ հայտարարեց Վրաստանի վարչապետ Իրակլի Կոբախիձեն:

«Ես իմ երախտագիտությունն եմ հայտնել պարոն Փաշինյանին, որն աջակցում է Վրաստանի տարածքային ամբողջականությանն ու ինքնիշխանությանը: Եվ իհարկե, ես առանց վերապահումների աջակցում եմ Հայաստանի տարածքային ամբողջականությանը: Մենք նաև խոսել ենք տարածաշրջանային զարգացումների մասին: Ես ընդգծել եմ մեր համատեղ ջանքերի կարևորությունը, որպեսզի պայքարենք տարածաշրջանում առկա մարտահրավերների դեմ»,- ասել է Կոբախիձեն: