«Այ սրա համար ենք ասում` քաղաքային իշխանությունները գաղափար չունեն քաղաքային պլանավորումից». Մանուկ Սուքիասյան

Երևանի քաղաքապետարանի ավագանու «Մայր Հայաստան» խմբակցության ղեկավար Մանուկ Սուքիասյանը ֆեյսբուքյան իր էջում տեղեկացրել է, որ գնացել են Նոր Նորքի շրջան՝ անձամբ ծանոթանալու քաղաքացիների բարձրաձայնած խնդրին: «Հայտնի քանդված կամուրջի խաչմերուկում մշտապես տեղի են ունենում վթարներ, անգամ՝ վրաերթ, քանի որ տեղում ավտոբուսային գիծ անցկացնելու համար հետիոտնային անցումն առաջ են տվել: Չգիտես ինչու, նորը ներկել են սպիտակով, իսկ հինը՝ ներկված դեղինով, դեռ մնացել է նույնությամբ: Շատերը շփոթվում են, շարունակում են անցնել հնով, ինչի պատճառով տեղի են ունենում վթարներ, վրաերթ: Քաղաքային իշխանություններն այս հարցում ունեն դիլետանտային մոտեցում: Այնինչ խնդիրը լուծելու համար անհրաժեշտ է կանգառը, որը շատ անմխիթար վիճակում է լինում, տեղափոխել: Այ սրա համար ենք ասում՝ քաղաքային իշխանությունները գաղափար չունեն քաղաքային պլանավորումից: