Սիսիանի համայնքապետարանը հերքում է

Սիսիանի համայնքապետարանը հաղորդագրություն է տարածել՝ հերքելով տարածվող լուրն առ այն, թե ձերբակալվել է Սիսիանի համայնքի ղեկավարի տեղակալ Կարեն Հովհաննիսյանը․ «Սիսիանի համայնքապետարանը հերքում է մամուլում տարածվող այն տեղեկատվությունը, թե իբրև համայնքի ղեկավարի առաջին տեղակալ Կարեն Հովհաննիսյանին քիչ առաջ ձերբակալել է ԱԱԾ-ն»,- ասվում է հաղորդագրության մեջ։

Կարեն Հովհաննիսյանը նույնպես հերքել է իր ձերբակալության մասին տեղեկությունը․
«Իմ շա՜տ սիրելի սիսիանցիներ,
Ինքս էլ հերքում եմ տեղեկատվությունը։ Այժմ էլ իմ աշխատակազմի հետ տոնում եմ գալիք մարտի 8-ը։
Հավելեմ, որ ապատեղեկատվության տարածումը քրեորեն պատժելի է»,– «Ֆեյսբուք»-ի իր էջում գրել է նա։