«Տասից վեցը վթարի էին ենթարկվելու». Փաշինյան

«Ավտոմոբիլային ճանապարհների մասին» ՀՀ օրենքում փոփոխություններ և լրացումներ կատարելու նախագծով առաջարկվում են կարգավորումներ՝ ճանապարհային ցանցի և թունելների անվտանգության մակարդակը բարձրացնելու, ռիսկերը նվազեցնելու ուղղությամբ: «Կան միջոցառումներ, որ պետք է մի քիչ ստեղծագործաբար մոտենանք: Երեկ ՆԳ նախարարն ինձ պատմել է մի միջոցառման մասին, որը շատ էֆեկտիվ է. զարմանում ես՝ ինչի՞ նախկինում մեր մտքով նման բան չի անցել: Ուրեմն, ոստիկանությունը գնացել է միջքաղաքային երթուղիները սպասարկող ավտոկայաններ, ստուգել է ավտոբուսների անվադողերը. որոնք մաշվածության մեծ աստիճան են ունեցել, վարչական կարգով թույլ չեն տվել դուրս գալ երթուղի: Եթե դուրս գային երթուղի, տասից վեցը ինչ-որ վթարի էին ենթարկվելու»,- ասել է Նիկոլ Փաշինյանը: