Ռուսական «Ուրալյան ավիաուղիները» կվերսկսի թռիչքները դեպի Հայաստան

Ռուսական «Ուրալյան ավիաուղիներ» ավիաընկերությունը հունվարի 13-ից կվերսկսի Մոսկվայից, Եկատերինբուրգից և Սոչիից դեպի Հայաստան չվերթները, տեղեկացնում է ավիափոխադրողի մամուլի ծառայությունը:

Նշվում է, որ Դոմոդեդովոյից Երևան և հակառակ ուղղությամբ չվերթները կիրականացվեն ամեն օր՝ հունվարի 13-ից: Եկատերինբուրգից Երևան հնարավոր կլինի թռչել առաջիկա շաբաթ օրվանից՝ շաբաթը երեք անգամ։ Սոչիից Երևան և հակառակ ուղղությամբ չվերթները նախատեսված են հունվարի 16-ից՝ շաբաթական երկու անգամ: