«Ավտոբուսի վարորդի ինքնազգացողության վատացման հետևանքով 10 մեքենա է վնասվել». «Երևանի ավտոբուս» ՓԲԸ ներկայացուցիչ

Երևանի քաղաքապետարանում ընթացող գործակարգավարական խորհրդակցության ժամանակ «Երևանի ավտոբուս» ՓԲԸ ներկայացուցիչը զեկուցել է, որ դեկտեմբերի 15-ի՝ ժամը 14-ի սահմաններում, Աբովյան-Կորյուն փողոցների խաչմերուկում վթար է տեղի ունեցել. ավտոբուսի վարորդի ինքնազգացողությունը վատացել է վարելու ընթացքում, ինչի հետևանքով վնասվել է 10 մեքենա: Ուղևորներ ու հետիոտներ չեն տուժել: Ավինյանը հետաքրքրվեց՝ աշխատանքի անցնելուց առաջ վարորդների արյան ճնշումը չի՞ ստուգվում, պաշտոնյան արձագանքեց՝ ստուգվում է. «Տվյալ վարորդի դեպքում ամեն ինչ նորմալ է եղել»: