Ավտոներկրողների ակցիան՝ նախագահականի դիմաց․ ՈՒՂԻՂ ՄԻԱՑՈՒՄ
![]() ՀՀ նախագահի նստավայրի դիմաց ընթանում է ավտոներկրողների ակցիան։ Հիշեցնենք՝ օրեր առաջ նրանք բողոքի ակցիա էին իրականացնում Կառավարության շենքի մոտ: «Այստեղ հավաքված են գործարարներ, ովքեր զբաղվում են նաև ավտոմեքենաների ներկրմամբ, մասնավորապես ԱՄՆ-ից՝ աճուրդներից մեքենաներ գնելով ու ՀՀ տեղափոխելով: Հայտնի է, որ դրսից ներկրված ավտոմեքենաների արժեքներն ավելի ձեռնտու են, քան էստեղի շուկայական գները։ Բազմաթիվ են մեր հայրենակիցները, ովքեր ցանկանում են 3 ամիս սպասել, բայց ունենալ ավել լավ ու էժան մեքենա։ Ի՞նչն է խնդիրը։ Մեր նման ընկերությունները նախնական պայմանագիր են կնքում հաճախորդներ հետ, փաստացի արձանագրվում է նաև վաճառքի գինը, ամեն բան արվում է սպիտակ դաշտում։ Ամեն մի մեքենայի մեջ ունենում ենք շատ փոքր եկամուտ: Նախորդ շաբաթ ԱԺ-ն երկրորդ ընթերցմամբ ընդունեց օրենք՝ «Հարկային օրենսգրքում փոփոխություններ և լրացումներ կատարելու մասին», որով պարտադրվում է մեր նման ընկերություններին՝ ունենալ նվազագույնը 20 տոկոս եկամուտ, և բնականաբար, հարկերը տալ այդ 20 տոկոսից: Հավատացնում եմ՝ երբևէ չի եղել, որ տնտեսվարողը մեկ մեքենայի գործարքից ունենա 20 տոկոս եկամուտ»,- լրագրողների հետ զրույցում նոյեմբերի 23-ին ասել էր ավտոներկրող, լրագրող Վարդան Օնանյանը: Այսօր՝ նախագահականի դիմաց ընթացող ակցիայի ժամանակ, Օնանյանը հայտնել է․ «Մեր խնդրանքն է, որ օրենքը հապճեպ չկիրառվի․ դեկտեմբերի 1-ին կիրառելով՝ բոլորս փաստի առաջ ենք կանգնում։ Գրություն ենք պատրաստել, որը հանձնելու ենք ՀՀ նախագահի աշխատակազմ՝ խնդրանքով, որպեսզի չստորագրի ու չվավերացնի օրենքը»։ |

«Պետական հիմարության պատճառով ուզում են ժողովրդին պատժել». Պեդրո Զարոկյան (տեսանյութ)
19219.11.2026, 20:12
«Աջափնյակի այս խցանումը զուտ ենթակառուցվածքի խնդիր է». Դանիել Իոաննիսյան (տեսանյութ)
16918.11.2026, 21:24
«Շատ տարբեր մարդիկ ոնց որ թե չեն պատկերացնում համակարգային խնդիրը»․ Տիգրան Ավինյան (տեսանյութ)
16416.11.2026, 10:36
«Անդադար լսում ենք հատկապես տղա երեխաներին չվճարելու պատրվակով ավտոբուսից իջեցնելու դեպքերի մասին». Էլիզա Առաքելյան
22011.11.2026, 23:30
«Էս էլ ճամփին պետք կգա». Նիկոլ Փաշինյանը բանանը խցկեց գրպանը (տեսանյութ)
21811.11.2026, 22:54
«Երևանի ավտոբուս» ՓԲԸ-ն պարզաբանում է ներկայացրել
19611.11.2026, 19:06
